Aİ-ÜST layihəsi çərçivəsində Azərbaycanda COVID-19-a qarşı mübarizədə iştirak edən təşkilatların sözçüləri üçün təlim keçirilib
28 may 2021
- Son dövrlər baş vermiş epidemiyalar, o cümlədən COVID-19 pandemiyasından öyrəndiyimiz önəmli dərslərdən biri də budur ki, səhiyyədə fövqəladə hallara uğurlu cavabın önəmli tərkib hissələrindən biri effektiv risk kommunikasiyasıdır.
İctimaiyyətlə proaktiv kommunikasiya yanlış məlumatların yayılmasının qarşısını ala və virusun yayılmasını önləyəcək kollektiv davranışları təşviq edə bilər.
Məlumatlandırmanın əhəmiyyətini nəzərə alaraq Avropa İttifaqı və ÜST-nin ortaq “Sağlamlıq üçün Həmrəylik Təşəbbüsü” layihəsi çərçivəsində Azərbaycanda COVID-19-a qarşı mübarizədə iştirak edən müxtəlif təşkilatların sözçüləri və ictimaiyyətlə əlaqələrə cavabdeh əməkdaşları üçün pandemiya dövründə media ilə çalışmağa dair təlim təşkil edilib. Təlimdə 12 fərqli təşkilatın 20-dən çox əməkdaşı iştirak edib. Bilik və bacarıqların artırılması təlimində ÜST-nin Avropa üzrə Regional Ofisinin mütəxəssisləri iştirakçılarla ictimai səhiyyə mesajlarının mövcud tələblərə uyğunlaşdırılması, daha yaxşı müsahibə bacarıqlarına yiyələnmə və ictimaiyyətlə aydın ünsiyyət qurulması sahəsində tövsiyələrini bölüşüblər.
Qeyd edək ki, bu təlim Aİ-ÜST layihəsinin jurnalistlər və həkimlər üçün müvafiq olaraq ötən ilin dekabr və bu ilin yanvar aylarında təşkil etdiyi risk kommunikasiyası təlimlərinə tamamlayıcı xarakter daşıyır.
Bu təşəbbüsdə iştirak edən BMT qurumları
Bu təşəbbüs vasitəsilə dəstəklədiyimiz məqsədlər
