Press reliz

Azərbaycan Dövlət Aqrar Universitetinin bir qrup müəllim və tələbə heyəti kəhrizlərdə aparılan bərpa işləri ilə tanış oldular

17 май 2021

  • Azərbaycan Dövlət Aqrar Universitetinin (ADAU) müəllimləri və Melorasiya və Su Təsərrüfatı ixtisasının əyani 3-cü kurs tələbələrindən ibarət heyət Ağdam rayonu ərazisində yerləşən və BMqT-nin Azərbaycan nümayəndəliyi tərəfindən bərpa olunan kəhrizlərə baş çəkiblər.

Onlar yeni texnalogiyaları tətbiqi ilə aparılan təmir işləri ilə yaxından tanış olub kəhriz mühəndisliyi ixtisasının ilə bağlı təcrübi biliklər qazanmaq imkanı qazanmışlar. 

ADAU-nun kafedra müdiri professor Mirnaib Mirsalahovun sözlərinə görə bu səfər Universitetin müəllim və tələbələrinə kəhrizlərin bərpası işlərində tətbiq olunan yeni qazma texnalogiyalarının işini öz gözləri ilə müşahidə etmək imkanı verdi.

Qeyd edək ki, hazırda universitetin müəllimlərinin Beynəlxalq Miqrasiy Təşkilatının Azərbaycan nümayəndəliyi ilə birgə hazırladıqları tədris planı əsasında aparılan kurs kəhriz sistemləri və onların bərpası üzrə bilik və təcrübənin dirçəldilməsi və gələcək mühəndislər nəsilinə ötürülməsi və onların da öz növbəsində həmin peşənin mövcud yeni texnologiyalar əsasında inkişaf etdirməsi məqsədini güdür. Tədris BMqT-nin nümayəndəliyi tərəfindən təşkil olunmuş kəhriz mühəndisliyi üzrə təlimçi kurslarında, həmçinin kəhrizlər haqqında biliklərini artırmaq və onların bərpası və texniki qulluğun ən yaxşı təcrübələrini öyrənmələri məqsədilə Naxçıvana təşkil olunan tədqiqat səfərində iştirak etmiş ADAU-nun müəllimləri tərəfindən aparılır.

Bu bilik və bacarıqların artırılması istiqamətində görülən işlər Koreya Beynəlxalq Əməkdaşlıq Agentliyinin (KOICA) maliyyə dəstəyi ilə icra olunan “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsi çərçivəsində həyata keçirilir. 

BMqT-nin Azərbaycan nümayəndəliyi və ADAU arasında mövcud əməkdaşlıq çərçivəsində, həmçinin universitetdə kəhriz sistemləri haqqında məlumatların toplanması, tədqiqatların aparılması, bilik və təcrübələrin paylaşılması üçün ixtisaslaşmış Kəhriz Tədqiqat və İnformasiya Mərkəzi açılmışdır.

BMqT-nin həyata keçirdiyi layihə çərçivəsində, həmçinin məcburi köçkünlərin də sıx məskunlaşdığı Ağdam, Ağcabədi, Bərdə, Füzuli, Gəncə, Qazax, Goranboy və Göygöl rayonlarında 40-a yaxın kəhrizin - ənənəvi ekoloji cəhətdən təmiz, dayanıqlı su təhcizatı sistemlərinin bərpası nəzərdə tutulur. Elektrik enerjisi və ya yanacaq tələb etməyən kəhrizlər biomüxtəlifliyin qorunmasını təmin edir və yerli icmaların həyat keyfiyyətinə töhfə verir. Layihə, kəhrizlərin bərpasından əlavə, yerili icmaların potensialnın artırılması, kiçik sahibkarlığın inkişafı və kəhrizlər haqda bilik və təcrübənin bərpa olunaraq yeni nəslə ötürülməsini nəzərdə tutur.

Azərbaycan Dövlət Aqrar Universitetinin bir qrup müəllim və tələbə heyəti kəhrizlərdə aparılan bərpa işləri ilə tanış oldular

Ilgar Xudiyev

İlqar Xudiyev

BMqT
Kommunikasiyalar üzrə konsultant

Bu təşəbbüsdə iştirak edən BMT qurumları

BMqT
Beynəlxalq Miqrasiya Təşkilatı

Bu təşəbbüs vasitəsilə dəstəklədiyimiz məqsədlər