Universal Dövri İcmal mexanizmi çərçivəsində Azərbaycanda insan hüquqlarının vəziyyətinə baxılacaq

Azərbaycan UDİ üzrə İşçi Qrupunun 7-18 may tarixlərində keçiriləcək növbəti sessiyası zamanı nəzərdən keçiriləcək 14 dövlətdən biridir. Azərbaycan üzrə birinci və ikinci UDİ baxışları müvafiq olaraq 2009-cu ilin fevral və 2013-cü ilin aprel aylarında keçirilib.

UDİ baxışı aşağıdakı sənədlərin əsasında aparılır: 1) milli hesabat – nəzərdən keçirilən dövlət tərəfindən təqdim olunan məlumatlar; 2) Xüsusi prosedurlar üzrə mandat daşıyıcılarının (insan hüquqları üzrə müstəqil ekspertlər və qruplar), insan hüquqları üzrə müqavilə qurumlarının və digər BMT qurumlarının hesabatlarında təqdim olunan məlumatlar; 3) milli insan hüquqları təsisatları, regional təşkilatlar və vətəndaş cəmiyyəti qrupları da daxil olmaqla, digər maraqlı tərəflərin təqdim etdiyi məlumatlar.

May ayının 15-də Azərbaycan üzrə keçiriləcək baxış üçün əsas kimi çıxış edən üç hesabatla burada tanış ola bilərsiniz: http://www.ohchr.org/EN/HRBodies/UPR/Pages/AZIndex.aspx

Yer: Cenevrə, Millətlər Sarayı, 20-ci zal

Vaxt və tarix: 15 may, çərşənbə axşamı, saat 9:00–12:30 (Cenevrə vaxtı ilə, GMT +2 saat)

UDİ mexanizmi BMT-yə üzv olan 193 Üzv Dövlətdə insan hüquqlarının vəziyyətinin dövri təhlilinin həyata keçirildiyi unikal prosesdir. UDİ mexanizminin 2008-ci ilin aprelində keçirilmiş birinci iclasından indiyədək UDİ prosesinin 1-ci və 2-ci siklləri ərzində BMT-nin 193 Üzv Dövlətinin hər biri üzrə iki dəfə baxış keçirilib. Üçüncü sikl zamanı dövlətlərdən əvvəlki baxışlar zamanı onlara verilmiş və yerinə yetirməyi öhdələrinə götürdükləri tövsiyələrin icrası ilə bağlı görülən tədbirləri təfsilatlı şəkildə təsvir etmələri, eləcə də ölkədə insan hüquqları sahəsində baş vermiş son prosesləri diqqətə çatdırmaları gözlənilir.

Azərbaycanın nümayəndə heyətinə Azərbaycan Respublikasının xarici işlər nazirinin müavini cənab Xələf Xələfov rəhbərlik edəcək.

Azərbaycan üzrə baxışla bağlı məruzəçi qismində aşağıdakı üç ölkənin (“troyka”) nümayəndələri çıxış edir: Birləşmiş Ərəb Əmirlikləri, Ekvador və Sloveniya.

Sessiyanın internet üzərindən canlı yayımı aşağıdakı link vasitəsilə həyata keçiriləcək: http://webtv.un.org

Çıxış edəcək şəxslərin siyahısı və Azərbaycan üzrə baxış zamanı səsləndiriləcək bütün bəyanatlar UDİ-nin Ekstranet şəbəkəsində, aşağıdakı linkdə yerləşdiriləcək [istifadəçi adı:  hrc extranet (boşluq qoyulmaqla); şifrə: 1session].

UDİ üzrə İşçi Qrupunun Azərbaycanla bağlı tövsiyələri 17 may 2018-ci il tarixində, saat 17:30-da qəbul etməsi planlaşdırılır. Baxış keçirilən Dövlət müvafiq baxış zamanı ona verilən tövsiyələrlə bağlı mövqeyini bildirə bilər. Tövsiyələr həmin gün əvvəlcədən mediaya təqdim olunacaq.

SON

Daha ətraflı məlumat üçün və media sorğuları ilə bağlı +41 (0) 22 917 9711 telefon nömrəsi yaxud  rgomez@ohchr.org elektron poçt ünvanı vasitəsilə Rolando Qomez ilə, +41 (0) 22 917 9689 telefon nömrəsi yaxud slubbersen@ohchr.org elektron poçt ünvanı vasitəsilə Sara Lubbersen ilə və ya +41 (0) 22 917 9751 telefon nömrəsi yaxud csapey@ohchr.org elektron poçt ünvanı vasitəsilə Sedrik Sapey ilə əlaqə saxlaya bilərsiniz.

Universal Dövri İcmal barədə daha ətraflı məlumat almaq üçün aşağıdakı səhifəni ziyarət edə biləriniz: www.ohchr.org/hrc/up