BMT-nin Miqrasiya Agentliyi Azərbaycanda vətəndaşlıq və soydaşlıq məsələləri dair seminar keçirib

BMT-nin Miqrasiya Agentliyi olan Beynəlxalq Miqrasiya Təşkilatının təşkil etdiyi seminarın məqsədi mövzu üzrə müxtəlif siyasi yanaşmalara dair bilik və təcrübələrin paylaşılmasıdır.

Dövlət Miqrasiya Xidməti, Prezident Administrasiyası, Xarici İşlər Nazirliyi, Ədliyyə Nazirliyi, Əmək və Əhalinin Sosial Müdafiəsi Nazirliyi, Daxili İşlər Nazirliyi, Dövlət Təhlükəsizliyi Xidməti, Diaspora Komitəsi, Qaçqınların və Məcburi Köçkünlərin İşləri Üzrə Dövlət Komitəsi, Dövlət Statistika Komitəsi, Ombudsman Aparatının rəsmiləri həmçinin Xorvatiya, Gürcüstan, Latviya, Moldova, Rumıniya və Türkiyədən olan dövlət nümayəndələri və müxtəlif universitetləri təmsil edən yeddi ekspert iştirak edib.

Tədbir zamanı ikili vətəndaşlıq, vətəndaşlığın verilməsinə dair prosedur qaydaları və soydaşlıq, mənşə və kimlik məsələləri müzakirə olunub. Seminarda təqdim olunmuş təqdimat və tövsiyyələr Avropa İttifaqı (Aİ) ölkələrinin siyasət və təcrübələri ilə zənginləşdirilərək Azərbaycan tərəfdən iştirak etmiş qurumlara hesabat şəklində göndəriləcək.

Seminar Aİ, ABŞ Dövlət Departamentinin Əhali, Qaçqınlar və Miqrasiya Bürosunun, ABŞ-ın Beynəlxalq İnkişaf Agentliyinin və Azərbaycan Respublikası Dövlət Miqrasiya Xidmətinin müştərək maliyyə dəstəyi ilə “Azərbaycanda miqrasiya və sərhəd idarəçiliyi üzrə potensialların gücləndirilməsi” layihəsi çərçivəsində təşkil olunub.