UNICEF-in Dağlıq Qarabağ münaqişəsi ilə bağlı bəyanatı

Həlak olan və xəsarət alan uşaqların sayının artması ilə yanaşı, çoxlu sayda yaşayış evi və məktəb binası zədələnib və ya dağıdılıb. Həftələrdir ki, saysız-hesabsız uşaq və ailələr hədsiz psixoloji travma və əzablara dözməli olur.

UNICEF hər iki tərəfi oktyabrın 9-da qəbul etdikləri humanitar atəşkəs rejiminə təxirəsalınmadan əməl etməyə qətiyyətlə çağırır. Uşaqlar, ailələr və onlarla əlaqəli mülki obyektlər beynəlxalq səviyyədə qəbul edilmiş insan hüquqları və humanitar hüquqa uyğun qorunmalıdır. Hərbi əməliyyatların tamamilə dayandırılması bütün uşaqların ən yaxşı mənafelərinə uyğundur.