Press reliz
Dağlıq Qarabağ münaqişəsi ilə bağlı BMT baş katibinin sözçüsünün yaydığı bəyanat
17 yanvar 2019
- BMT-nin baş katibi Antonio Quterreş ATƏT-in Minsk Qrupu həmsədrlərinin təşkilatçılığı ilə Azərbaycanın xarici işlər naziri Elmar Məmmədyarov və Ermənistanın xarici işlər naziri vəzifəsini icra edən Zöhrab Mnatsakanyan arasında yanvarın 16-sı Parisdə keçirilən görüşü müsbət qarşılayıb.
Baş katib uzun müddət davam edən Dağlıq Qarabağ münaqişəsinin qarşılıqlı razılaşma və sülh yolu ilə həll edilməsi üçün tərəflərin davamlı öhdəliyini yüksək qiymətləndirir və əhalinin sülhə hazırlanmasına dair konkret tədbirlərin görülməsinin zəruriliyi barədə nazirlərin razılaşmasını alqışlayır.
Baş katib, Birləşmiş Millətlər Təşkilatının ATƏT-in Minsk qrupunun mühüm vasitəçilik səylərini tam dəstəklədiyini bir daha vurğulayıb.
Bu təşəbbüsdə iştirak edən BMT qurumları
BMT
Birləşmiş Millətlər Təşkilatı
Bu təşəbbüs vasitəsilə dəstəklədiyimiz məqsədlər
