Arzu Qadın qrupu: “Qadınlar birlikdə daha güclüdürlər”

Şirniyyat bişirməkdən toyuq, cücə saxlamağa qədər: Azərbaycanın İsmayıllı rayonunda fəaliyyət göstərən “Arzu” qadın qrupunun üzvləri kənd təsərrüfatı, innovativ texnologiyalar və biznes sahəsində bilik və bacarıqlarını artırmaqla yanaşı, öz gəlirlərini artırmaq yollarına da yiyələniblər. Kənd Təsərrüfatı Nazirliyi və BMT-nin Ərzaq və Kənd Təsərrüfatı (FAO) Təşkilatının birgə həyata keçirdiyi "Qadınların iqtisadi güclərinin artırılması yolu ilə ərzaq təhlükəsizliyi və kənd yerlərində yaşayış imkanlarının yaxşılaşdırılması  layihəsinin benefisiari olan “Arzu” Qadın qrupu məhsul istehsalını və çeşidlərini, öz iqtisadi güclərini artırmaqda davam etdirir və icmalarının dayanıqlı inkişafına yeni töhfələr verirlər.

 FAO - Azərbaycan Tərəfdaşlıq Proqramının maliyyə dəstəyi ilə həyata keçirililən “Qadınların iqtisadi güclərinin artırılması yolu ilə ərzaq təhlükəsizliyi və kənd yerlərində yaşayış imkanlarının yaxşılaşdırılması“ layihəsi çərçivəsində Sumağallı kəndində  formalaşmış qadın qrupunun məqsədi  kənd qadınlarının səlahiyyətləndirilməsi vasitəsilə qida təhlükəsizliyinə diqqəti artırmaq və sosial cəhətdən inklüziv və dayanıqlı kənd təsərrüfatını təşviq etməkdir. 

Kənd təsərrüfatı ilə məşğul olan bu qrup üzvləri öz sahələri üzrə ən yaxşı təcrübələri, biznesin inkişaf etdirilməsi və resurslara çıxışı öyrənirlər. 

Qrup üzvlərinin dediyinə görə “Qrupda qadınların çoxu toyuq-cücə saxlanılması ilə məşğuldur, təbii yollarla yetişdirilən quşlara tələbat artdığından bu yaxşı gəlirli sahədir.” 

Layihənin əsas məqsədlərindən biri kənd təsərrüfatı sahəsində qadınların təmsil olunması və qadınlar üçün gəlir gətirən sahələrin artırılmasıdır.

 Layihədən yararlanan qadın fermerlər COVID-19 pandemiyası dövründə çətin zamanlarda öz bacarıq və imkanlarını digər insanlara kömək etməyə yönəltdilər. Pandemiya zamanı təsərrüfatla məşğul olanlar - ət, süd, yağ, ev quşları, yumurta, bal, meyvə, buğda istehsalını davam etdirdilər, lakin, sərt karantin rejiminə görə  məhsullarını sata bilmirdilər. Bu məhsulları kənddə ehtiyacı olan qruplara, o cümlədən yaşlılara, çoxuşaqlı ailələrə, xəstələrə və eytiyacı olan ailələrə pay verdilər. Digər məhsullar yolların bağlı olması səbəbindən kənddə, qonşu ərazilərdə həmişəkindən daha ucuz qiymətə satıldı. 

“Fəxr edirik ki, bu çətin dövrdə ehtiyacı olanlara kömək edə bildik. Bərabər işləmək bizi daha güclü edir, qonşulara kömək etmək isə, icmanı daha güclü edir.” – deyə Arzu qadın qrupu nümayəndləri bildirirlər.

Daha ətraflı məlumat üçün: www.fao.org/world-food-day/food-heroes/en/