Beynəlxalq Miqrasiya Təşkilatının nümayəndə heyəti Naxçıvana səfər edib

Tədqiqat səfəri kəhriz su təchizatı sistemi haqqında səfər iştirakçılarının biliklərini artırmaq və Naxçıvanda kəhrizlərin bərpa və texniki qulluğun ən yaxşı təcrübələrini öyrənmələrini təmin etmək məqsədi daşıyır.

Səfər zamanı qonaqlar Naxçıvan Muxtar Respublikası Dövlət Meliorasiya və Su Təsərrüfatı Komitəsinin sədri Əsgər Əsgərovla görüşüb və Kəngərli bölgəsində müxtəlif kəhrizlərə baş çəkiblər. Tədqiqat səfəri çox sayda kəhriz su təchizatı sistemləri, zəngin kəhriz tarixi və mədəniyyətinə sahib Orbudad şəhərinə, kəhrizlərin tədqiqatı və tədrisi üzrə geniş təcrübəsi olan Naxçıvan Dövlət Universitetinə baş çəkməklə davam edib.

Səfərin məqsədi ADAU müəllimlərinə Kahriz mühəndisliyi kursunu rəsmi universitet tədris planının bir hissəsi olaraq inkişaf etdirməsinə imkan yaratmaq olub. Tədqiqat səfəri Koreya Beynəlxalq Əməkdaşlıq Agentliyinin (KOICA) maliyyə dəstəyi ilə həyata keçirilən “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsi çərçivəsində baş tutub.