Ədalət mühakiməsinin həyata keçirilməsində insan hüquqları: Hakimlər, prokurorlar və vəkillər üçün insan hüquqları üzrə təlimat

Birləşmiş Millətlər Təşkilatının İnsan Hüquqları üzrə Ali Komissarlığı (OHCHR) və Beynəlxalq Vəkillər Assosiasiyasının əməkdaşlığı çərçivəsində hazırlanan Ədalət Mühakiməsinin həyata keçirilməsində İnsan Hüquqları üzrə təlim materialları Təlimatdan və hazırki Fasilitator Bələdçisindən ibarətdir. Bu qurumlar birlikdə insan hüquqları prinsiplərini və normalarını peşə fəaliyyətində tətbiq etmək məqsədilə peşəkar hüquqşünaslar üçün insan hüquqları sahəsində kursların təşkilinə dəstək verir. Bu tədris resurslarının və görülən tədbirlərin əsas məqsədi yerli hüquqi prosedurların gedişində və onlar vasitəsilə insan hüquqlarının müdafiəsini gücləndirməkdir.

Təlimat beynəlxalq insan hüquqları qanunu, universal və regional orqanlar, eləcə də milli məhkəmələrin təcrübəsi barədə ümumi məlumat verir. Hər bir fəsil spesifik insan hüquqları sahəsinə ünvanlanır. Kursun davamiyyətindən, xarakterindən və iştirakçıların növlərindən asılı olaraq ən uyğun sahələrin və materialların seçilməsi zəruri ola bilər.