Kənd Təsərrüfatı Torpaqları bazarının inkişaf etdirilməsi mövzusunda tədbir keçirilib.

Torpaq üzərindən sahiblik və idarəetmə probleminin həlli və torpaqların konsolidasiyası prosedurlarının təkmilləşdirilməsi məqsədilə kənd təsərrüfatı torpaq bazarının inkişafının sürətləndirilməsi” layihəsinin ilkin seminarı baş tutub.

Seminar benefisiar ölkələrdə, o cümlədən Azərbaycanda torpaq bankçılığı alətlərinin operativləşdirilməsini dəstəkləmək və torpaq bankçılığı və digər torpaq bazarının inkişafı zəruri addımlarını həyata keçirmək üçün tələb olunan institusional potensialın inkişafına yardım etmək məqsədi ilə keçirilib..

“Təqdirə layiqdir ki, layihə çərçivəsində görüləcək işlər torpaq bank əməliyyatlarının həyata keçirilməsi üzrə institusional potensialın və torpaq bazarının inkişafına, kənd təsərrüfatı torpaqlarının tərk edilməsi probleminin həllinə və kənd təsərrüfatı torpaqlarının davamlı istifadəsinin təmin edilməsinə xidmət etməklə fermer təsərrüfatlarının strukturunun yaxşılaşdırılmasına kömək edəcəkdir. Layihə Türkiyə və Azərbaycanda torpaq bankı alətlərinin icrasına, habelə Özbəkistanda torpaq bazarlarının inkişaf alətlərinin tələblərinin və məqsədəuyğunluğunun qiymətləndirilməsinə kömək edəcəkdir.” Azərbaycan Kənd Təsərrüfatı Nazirliyinin Nazir müavini İlhamə Qədimova tədbir zamanı öz çıxışında bildirib.

Seminar maraqlı tərəfləri cəlb etmək və hərtərəfli icmal təqdim etmək məqsədilə Kənd Təsərrüfatı Nazirliyi, Şərqi Avropa və Mərkəzi Asiyada mövcud olan torpaq islahatı təcrübələrini, torpaqların konsolidasiyası və ölkəyə spesifik torpaq idarəetməsinin cari vəziyyətini müzakirə etmək imkanı yaradıb.

“Torpaq bazarlarının inkişafı aqrar sektorun milli iqtisadiyyatda rolunu artırmaq və kənd təsərrüfatının inkişafı üçün olduqca vacibdir”. FAO-nun Azərbaycandakı Tərəfdaşlıq və Əlaqələndirmə Ofisinin rəhbəri cənab cənab Nasar Hayat öz sözlərində bildirib.

Seminarda müvafiq maraqli tərəflər, hökümət nümayəndələri və bu sahə mütəxəssis şəxslər iştirak edərək Azərbaycanda kənd təsərrüfatının dayanıqlı inkişafının təmin edilməsi üçün birgə səylərin vacibliyini müzakirə ediblər.