Azərbaycanda yaşıl keçidin inkişafı – Məhsulun Ekoloji İzi metodologiyası və onun istehsal müəssisələri üçün faydaları haqqında məlumatlandırma seminarı

15 mart 2023-cü il tarixində EU4Environment Azərbaycanda sənaye müəssisələri, dövlət qurumları, biznes assosiasiyaları və QHT nümayəndələrini Məhsulun Ekoloji İzi (MEİ) və Avropa İttifaqının Yaşıl Məhsullar üçün Vahid Bazar (YMVB) təşəbbüsü ilə bağlı maarifləndirmə seminarına dəvət edir. (SMGP).

Tədbir yaşıl iqtisadiyyat, dairəvi iqtisadiyyat, Resurs Səmərəli və Daha Təmiz İstehsal və ətraf mühitin mühafizəsi ilə bağlı məsələlərlə maraqlanan və bu mövzularda işləyən bütün maraqlı tərəflər üçün açıqdır. Görüş BMT-nin Sənaye İnkişafı Təşkilatı (UNIDO) tərəfindən PRé Sustainability (Niderland) və milli tərəfdaşlarla birgə təşkil olunur.

Tədbirə qoşulmaq üçün bu keçid vasitəsilə qeydiyyatdan keçməyiniz xahiş olunur: https://bit.ly/3IVE0BV

Seminar onlayn formatda təşkil olunacaq və MEİ metodologiyasını və ölkədə daha yaşıl məhsulların tətbiqinin faydalarını və üstünlüklərini təqdim edəcək. Tədbirdə təqdimatlar təqdim ediləcək, həmçinin iştirakçılar arasında müzakirələr aparılacaqdır. İştirakçılara yaşıl və ya ekoloji cəhətdən təmiz məhsullar anlayışı haqqında geniş məlumat veriləcəkdir. İşçi dil Azərbaycan və İngilis dilləridir (sinxron tərcümə ilə).

Seminar yaşıl məhsulların təşviqi üçün alətlər və strategiyalar, o cümlədən eko-nişanlama (mövcud milli vəziyyət qeyd edilməklə), əlaqəli qanunvericilik bazası və müxtəlif hədəf qrupları üçün faydalar və üstünlüklərlə bağlı mövzuları əhatə edəcək. Tədbir müddətində MEİ metodologiyasının tətbiqinin Aİ bazarına ixrac edən Azərbaycan müəssisələri üçün potensial təsiri barədə də məlumat veriləcəkdir. Seminar zamanı iştirakçılara sual vermək və müzakirələrdə iştirak etmək imkanı yardılacaqdır.

EU4Environment və Aİ YMVB təşəbbüsünün nümayişi

EU4Environment Fəaliyyəti çərçivəsində BMT-nin Sənaye İnkişafı Təşkilatı (UNIDO) Şərq Tərəfdaşlığı (ŞT) ölkələrində, o cümlədən Azərbaycanda Aİ YMVB və MEİ metodologiyasını nümayiş edir. Burada UNIDO-ya REM Qafqazın Azərbaycan ofisi tərəfindən dəstək göstərilir.

EU4Environment Fəaliyyəti haqqında

"Aİ Ətraf Mühit üçün" (EU4Environment) Şərq Tərəfdaşlığı ölkələrinə təbii kapitallarını qorumaq və ətraf mühitlə əlaqədar tədbirləri dəstəkləyərək insanların ətraf mühit rifahını artırmaq, yaşıl inkişaf imkanlarını nümayiş etdirmək və açmaq, ekoloji riskləri və təsirləri daha yaxşı idarə etmək üçün mexanizmlər qurmağa kömək edir.

Fəaliyyət OECD, UNECE, UNEP, UNIDO və Dünya Bankı kimi beş tərəfdaş təşkilat tərəfindən həyata keçirilir.

Fəaliyyət haqqında ətraflı məlumat üçün bu saytlara keçid edin: www.eu4environment.org və https://recp.aceconsultants.az/en

Aİ YMVB və MEİ haqqında ətraflı məlumat üçün lifletimizlə tanış olun:  Məhsulun Ekoloji İzi (MEİ) (Azərbaycan və İngilis dillərində)