ÜST-nin missiyası çərçivəsində COVID-19 pandemiyası ilə mübarizə tədbirlərinin aralıq baxışı keçirilib

Yerli səhiyyə qurumları və tərəfdaşların iştirakı ilə keçirilmiş COVID-19 pandemiyası ilə mübarizə tədbirlərinin aralıq baxışı ölkə səviyyəsində koordinasiya, planlaşdırma və monitorinq, xəstələrin idarə edilməsi, innovativ yanaşmalar haqqında biliklərin bölüşülməsi və son tədqiqatlar, epidemioloji nəzarət, kontaktların araşdırılması və izlənməsi, habelə nəzarət və infeksiyanın qarşısının alınmasını nəzərdə tutur.

Missiya çərçivəsində ilkin nəticələrin və müzakirələrin plenar təqdimatı keçirilib. Ən yaxşı təcrübələri, boşluqları və nəticə etibarilə gəlinən qənaətləri müəyyən etmək və COVID-19 ilə bağlı vəziyyətin yaxşılaşdırılmasına yönəlmiş qısa- və uzunmüddətli fəaliyyət planı təklif etmək məqsədilə iştirakçılar milli və regional səviyyələrdə ictimai səhiyyə və fövqəladə hallara cavab sistemlərinin funksional imkanlarına diqqət yetiriblər. Müvafiq prosesləri idarə etmək üçün müəyyən edilmiş tədbirlərin hər biri müvafiq qurumlara həvalə edilib.

İştirakçılar və səhiyyə rəsmiləri tərəfindən aralıq baxışının təcrübə mübadiləsi, habelə çətinlikləri və qabaqcıl təcrübələri müəyyən etməklə və cavab səyləri ilə gəlinən qənaətləri sənədləşdirərək tətbiq etməklə COVID-19 əleyhinə ölkədaxili cari cavab mexanizminin birgə təhlilinin təmin edilməsi baxımından ölkə üçün son dərəcə önəmli olduğunu bir daha qeyd ediblər. 

Sağlamlıq üçün Həmrəylik Təşəbbüsü Aİ-nin maliyyə dəstəyi ilə ÜST-nin Azərbaycan Ölkə Ofisi tərəfindən həyata keçirilən COVID-19 pandemiyasına qarşı mübarizəyə dəstək layihəsidir. Layihə gələcəkdə baş verə biləcək pandemiyalara qarşı dayanıqlı cavab potensialının formalaşdırılmasına yardım göstərilməsini hədəfləyir və Aİ ilə ÜST-nin Azərbaycana davamlı dəstəyinin tərkib hissəsidir.