Beynəlxalq Miqrasiya Təşkilatının Azərbaycan nümayəndəliyi “Fərqində ol!” sosial məlumatlandırma kampaniyasına başlayıb

Cəmiyyətdəki sosial ahəngi zədələyən hər bir neqativ amil əslində koronavirus qədər zərərlidir. Kampaniya çərçivəsində hazırlanan illüstrasiyalar vasitəsilə məhz bu təhlükələr diqqətə çatdırılır. İstənilən şəxs müxtəlif sosial media məcralarında #ferqindeol həştəqi ilə paylaşraq kampaniyaya dəstək olar bilər. “Fərqində ol” sosial məlumatlandırma kampaniyası haqqında ətraflı məlumatla www.ferqindeol.az  saytında əldə etmək olar. 

BMqT-nin Azərbaycandakı nümayəndəliyinin rəhbəri Vladimir Qyorqiyev deyir ki, COVID-19 pandemiyasının əhali üzərində birbaşa təsirlərini nəzərdən keçirməklə yanaşı, pandemiyanın fərdlər və cəmiyyətə göstərdiyi digər potensial travmatik təsirlərini də başa düşməliyik. "Uzunmüddətli stres, məsafə saxlama, iş yerlərini bağlanması və özünü təcrid etmə qaydalarının birləşməsi məişət zorakılığı, uşaq istismarı və ayrıseçkilik riskini artırır", deyir Qyorqiyev. "Bu cür məlumat kampaniyası vasitəsilə biz cəmiyyəti COVID-19 böhranı və onun hələ uzun müddət davam edəcək nəticələri barədə bilməli olduqları məlumatlarla təchiz etməyə çalışırıq".

COVID-19 pandemiyasının nəticələrinə qarşı mübarizə çərçivəsində BMqT-nin Azərbaycan nümayəndəliyi ksenofobiya, nifrət nitqi, məişət zorakılığı, ayrıseçkilik, şiddətli ekstremizm və dezinformasiyadan qaçınmağın vacibliyi barədə əharli arasında məlumatlılığı artırmaq məqsədi ilə bir sıra tanıtım materialları hazırlatmışdır.

Geniş auditoriyanın diqqətini COVID-19 pandemiyasına və onun fəsadlarına yönəltmək, habelə hədəf auditoriyasının məlumatlılığını artırmaq üçün Azərbaycan və İngilis dillərində hazırlanan postlar sosial media kanalları vasitəsi ilə yayımlanacaqdır.

Hal-hazırda kampaniya çərçivəsində COVID-19 pandemiyasının cəmiyyət üçün təhlükə yaradan müxtəlif fəsadlarını əks etdirən iri reklam lövhələri və bannerlər Azərbaycanın paytaxtı və digər əsas şəhərlərinin küçələrində, ictimai yerlərdə nümayiş olunur.

Aprel ayının sonunacan davam edəcək “Fərqində ol” sosial məlumatlandırma kampaniyası ABŞ-ın Beynəlxalq İnkişaf Agentliyinin (USAID) maliyyə dəstəyi ilə BMT-nin Miqrasiya Agentliyi olan Beynəlxalq Miqrasiya Təşkilatı (BMqT) tərəfindən icra edilən “Dayanıqlıq naminə ictimai fəaliyyət” layihəsi çərçivəsində həyata keçirilir. Kampaniyanın tərəfdaş qurumu Azərbaycan Respublikasının Dini Qurumlarla İş üzrə Dövlət Komitəsinin tabeliyində olan Mənəvi Dəyərlərin Təbliği Fondudur.