Beynəlxalq Miqrasiya Təşkilatının Azərbaycan nümayəndəliyi 2020-ci ildə ölkəyə könüllü olaraq qayıdan 448 miqranta reinteqrasiya yardımı göstərib

2020-ci ildə AVRR layihələri çərçivəsində BMqT-nin Azərbaycan nümayəndəliyi 57 nəfərə nağd və 391 nəfərə qeyri-nağd şəkildə yardımetmişdir. Göstərilən müddətdə 15 şəxsə tibbi yardım, 32 şəxsə müvəqqəti mənzil təminatı, 35 şəxsə kiçik biznesin qurulması, 112 şəxsə maddi yardım (ilkin ehtiyac kateqoriyasına aid olan məişət avadanlığı və mebel əşyaları) və 1 şəxsə təhsil yardımı verilmişdir.

BMqT-nin Azərbaycan nümayəndəliyi tərəfindən təqdim olunan reinteqrasiya yardımının əsas hissəsi könüllü olaraq qayıdan şəxslərə və onların ailələrinə fayda gətirməyi hədəfləyən gəlir mənbəsinin yaradılması ilə bağlı yardımlardır. 2020-ci ildə AVRR layihələri çərçivəsində qayıdanlara əsasən kiçik biznes fəaliyyətinin qurulması, müvəqqəti mənzil təminatı, maddi yardım, tibbi ehtiyacların və təhsil haqqının ödənilməsi üzrə yardım göstərilmişdir. Qayıdan şəxslər BMqT-nin köməyi ilə kiçik təsərrüfat (heyvandarlıq), xidmət sektoru, ticarət və kiçik istehsal sahələrində sahibkarlıq fəaliyyətlərini qurmuşdurlar.