Beynəlxalq Miqrasiya Təşkilatının Azərbaycan nümayəndəliyi “Cinsi istismar və zorakılığın qarşısının alınması” üzrə təlimə başlayıb

Təlimin məqsədi insan alveri qurbanlarına və insan alveri qurbanına çevrilməyə həssas olan insanlara yardım göstərən vətandaş cəmiyyəti təşkilatlarnın (VCT) cinsi istismar və zorakılığın qarşısının alınması üzrə institusional potensiallarını artırmaqdır. Bu təlimlər cinsi istismar və zorakılıq anlayışlarını, onun benefisiarlar və təşkilat üçün nəticələrini, hesabatlılıq mexanizminin yaradılmasının vacibliyini başa düşməyə kömək edəcək, həmçinin müvafiq daxili qaydaların hazırlanmasına töhfə verəcək. Təlimə insan alverinə və gender əsaslı zorakılığa qarşı mübarizə sahəsində fəaliyyət göstərən Azərbaycan Uşaqları İctimai Birliyi (İB), Təmas Regional İnkişaf İB, Qadın Təşəbbüsü və Sosial Problemlərin Həllinə Yardım İB, Ailə Dünyası Ailələrə Hüquqi Yardım İB, Ümidli Gələcək Sosial Təşübbüslər İB və “Ümid Yelkənləri” İnsan Alverinə qarşı İB-ni təmsil edən sosial işçilər, psixoloqlar və rəhbər şəxslər olmaqla 21 nəfər qatılıb.

Təlimin açılış mərasimində çıxış edən BMqT-nin Azərbaycan nümayəndəliyinin rəhbəri Vladimir Qyorqiyev qeyd edib ki, BMqT cinsi istismar və zorakılığa dözümsüzlük siyasətini tətbiq edərək hesab edir ki, benefisiarlar ilə birbaşa təmasda olan bütün tərəfdaşlar və iştirakçılar cinsi istismar və zorakılığın qarşısının alınmasında ən yaxşı təcrübələri inkişaf etdirməli və lazım gəldikdə intizam tədbirləri görməlidirlər. O, insan alverinə qarşı mübarizədə mövcüd boşluğu doldurmaqda və xüsusilə də qurbanları dəstəkləyən və gücləndirən müdaxilələrin təmin edilməsində vətandaş cəmiyyəti təşkilatlarının əsas roluna toxunaraq, BMqT-nin benefisiarlara qarşı hər hansı cinsi istismar və zorakılığın qarşısını almaq və bütün personal arasında məlumatlılığı artırmaq üçün VCT-ləri dəstəkləməkdən məmnun olduğunu qeyd etdi.

USAID-in nümayəndəsi Ancelina Allen cinsi istismar və zorakılıq üzrə maarifləndirmənin vacibliyini vurğulayaraq dedi: “Əgər hər kəs təhlükəsiz və etibarlı rəy bildirmək, riskləri azaltmaq və cinsi istismar və zorakılıq halları haqqında təhlükəsiz hesabat verməyi təmin etməyin yollarından xəbərdar olarsa, biz yardım göstərdiyimiz şəxslərin zərər görməyəcəklərini təmin edə biləcəyik”.

BMqT tərəfindən həyata keçirilən USAID-in İnsan Alverinə Qarşı Mübarizə layihəsi Azərbaycan hökumətinə və QHT-lərə insan alverinin və məcburi əməyin qarşısının alınması və onunla mübarizədə, o cümlədən gender əsaslı zorakılığın aradan qaldırılmasında Azərbaycanın effektivliyini daha da artırmaqda kömək edir. Buraya insan alveri və məcburi əməyin potensial və faktiki qurbanlarına kömək edən sığınacaqlari idarə edən vətəndaş cəmiyyəti təşkilatlarına texniki və maliyyə dəstəyi daxildir.