Mikroblara qarşı qorumaq üçün “Vahid Sağlamlıq” yanaşması

  • BMT-nin Ərzaq və Kənd Təsərrüfatı Təşkilatı (FAO) - Avropa və Mərkəzi Asiya Regional Ofisi, Ümumdünya Heyvan Sağlamlığı Təşkilatı (OIE) Orta Asiya bölgə nümayəndəliyi və Ümumdünya Səhiyyə Təşkilatının (ÜST) Regional ofisi, 2020-ci il Ümumdünya Mikroblar Əleyhinə Mübarizə Həftəsində məlumatlılığın artırılması üçün birgə üçlü bəyanat dərc edib.

2015-ci ildən bəri hər il keçirilən Ümumdünya Mikroblar Əleyhinə Mübarizə Həftəsinin əsas məqsədi antibiotiklərdən düzgün və ehtiyatlı istifadəsini aşılamaq və bu sahədə çalışan mütəxəssisləri maarifləndirməkdir. Bu il, əvvəllki illərdə Ümumdünya Antibiotiklərlə Mübarizə Həftəsi olaraq bilinən bu təşəbbüsün adı, təşəbbüsün əhatə dairəsini böyütmək məqsədilə Ümumdünya Mikroblar Əleyhinə Mübarizə Həftəsi olaraq dəyişdirildi. Antibiotik maddələr insanlarda, heyvanlarda və bitkilərdə xəstəliklərin müalicəsi üçün vacib vasitə olan antibiotik, antiviral, antifungal və antiprotozoal maddələri özündə əks etdirir.

COVID-19 böhranı antibiotiklər də daxil olmaqla mikroblar əleyhinə maddələrin düzgün olmayan şəkildə istifadəsini və onların həddindən artıq istifadəsini artırdığı üçün Ümumdünya Mikroblar Əleyhinə Mübarizə Həftəsi bu il xüsusi əhəmiyyət kəsb edir. Tədbirlər görülməzsə, bu uzun müddətli mikroblar əleyhinə müqavimət problemlərini daha da pisləşdirə bilər. Bu bəyanat insan və heyvan sağlamlığı, qida tədarükü və qida təhlükəsizliyini təmin etmək üçün atibiotiklərin istifadəsinin əhəmiyyətini vurğulayır. Buna baxmayaraq, dünya ölkələri öz milli strategiya və siyasətlərini hazırlamalı mikroblar əleyhinə müqavimətin ortaya çıxması ilə bağlı öhdəliklərini artırmalıdır.

Mikrobların müqavimətinin artması qlobal bir böhrandır. Gözləmək üçün vaxt yoxdur. Mikrob əleyhinə dərmanların təsirini saxlamaq üçün hər kəsin rolu var. Bu üçlü bəyanat, üzv dövlətlərin mikroblara qarşı mübarizə tədbirlərini gücləndirməyə, qlobal problemi geniş şəkildə tanıtmağa və insanları antibiotik maddələrin istifadəsi ilə bağlı vərdişlərini dəyişdirməyə çağırır. İnsan və heyvan sağlamlığı, ətraf mühit və qida sektorları, eləcə də vətəndaş cəmiyyəti çoxsahəli "Vahid Sağlamlıq" yanaşması altında antibiotiklərin effektivliyinin qorunması üçün səyləri birləşdirməlidir.

Media üçün əlaqə məlumatları
Author
Əbdül Mustafazadə
FAO
Sosial media, əlaqələndirmə və media ilə münasibətlər üzrə mütəxəssis
Abdul Mustafazade
Bu təşəbbüsdə iştirak edən BMT qurumları
FAO
BMT-nin Ərzaq və Kənd Təsərrüfatı Təşkilatı