BMT-nin İqtisadi, sosial və mədəni hüquqlar üzrə Komitəsinin elm və iqtisadi, sosial və mədəni hüquqlara dair 25 nömrəli Ümumi Tövsiyəsi

Hazırkı Ümumi Şərhdə BMT-nin İqtisadi, sosial və mədəni hüquqlar üzrə Komitəsi BMT-nin “İqtisadi, sosial və mədəni hüquqlar haqqında” Beynəlxalq Paktının elmi tərəqqinin nəticələrindən istifadə etmək hüququnun müxtəlif akspektlərini və bu hüququn məzmununu izah edir. Sözügedən hüquq Beyəlxalq Paktın 15-ci Maddəsini təşkil edir.

Ümumi Şərh həmçinin sözügedən hüququn yerinə yetirilməsində dövlətlərin öhdəlikləri və atılmalı olan addımlara dair ətraflı məlumat verir.

Ümumi Şərhlər nədir? BMT-nın insan hüquqlarına dair Müqavilə Qurumları beynəlxalq insan hüquqları müqavilələri və konvensiyaların müxtəlif müddəalarının məzmununu “ümumi şərhlər” vasitəsilə izah edirlər.

Bu vəsait Birləşmiş Millətlər Təşkilatının İnsan Hüquqları üzrə Ali Komissarlığı tərəfindən Avropa İttifaqının maliyyə dəstəyi ilə həyata keçirilən “Azərbaycanda həssas qrupların hüquqlarının müdafiəsi” layihəsi çərçivəsində tərcümə edilərək dərc olunmuşdur.