BMT-nin Baş katibi münaqişə ərazisində insanların yaşayış yerlərinə edilən bütün hücumları qınayır

Oktyabrın 16-da Gəncə şəhərinə olan hücum nəticəsində uşaqlar da daxil olmaqla, mülki şəxslərin həyatını faciəvi şəkildə itirməsi, eləcə də Stepanakert/Xankəndi də daxil olmaqla, Dağlıq Qarabağ münaqişə zonası və onun ətrafında yerləşən bütün yaşayış məntəqələrinə edilən zərbələr tamamilə qəbulolunmazdır.

Baş katib tərəflərin beynəlxalq birliyin döyüşləri dərhal dayandırmaq üçün təkrar çağırışlarına davamlı olaraq məhəl qoymadıqlarına görə dərin təəssüf hissi keçirir. Baş katibin Ermənistan və Azərbaycan xarici işlər nazirləri ilə son telefon danışıqlarında bir daha vurğuladığı kimi, hər iki tərəfin beynəlxalq humanitar hüquqa görə hərbi əməliyyatlar apararkən mülki şəxslər və mülki infrastrukturun qorunması və müdafiəsini təmin etmək öhdəliyi var.

Oktyabrın 18-də humanitar atəşkəsin başlanmasına dair elanı qeyd edən Baş katib hər iki tərəfin bu öhdəliyə tam əməl edəcəklərini və ATƏT-in Minsk Qrupu çərçivəsində təxirə salınmadan substantiv danışıqları davam etdirəcəklərini gözləyir.

Stephane Dujarric, BMT baş katibinin sözçüsü

Nyu York, 18 Oktyabr 2020