Ermənistan və Azərbaycan arasındakı vəziyyətə dair BMT baş katibi sözçüsünün bəyanatı
26 oktyabr 2020
- Baş katib ABŞ, Azərbaycan və Ermənistan hökumətlərinin oktyabrın 10-da Moskvada razılaşdırılan və oktyabrın 17-də Parisdə yenidən təsdiqlənən humanitar atəşkəsin 26 oktyabr tarixində yerli saatla səhər 08:00-dan etibarən başlayacağına dair birgə bəyanatını təqdir edir.
O, həmçinin ATƏT-in Minsk Qrupu həmsədrlərinin dəstəyi ilə ABŞ-ın göstərdiyi vasitəçiliyi yüksək qiymətləndirir.
Baş katib hər iki tərəfi bir daha əldə olunan razılığa dərhal əməl etməyə və ATƏT-in Minsk Qrupunun həmsədrlərinin vasitəçiliyi ilə qeyd-şərtsiz substantiv danışıqları davam etdirməyə çağırıb. O, həmçinin tərəfləri humanitar işlərə cəlb olunan şəxslərə, habelə Dağlıq Qarabağ münaqişəsi zonası və ətraf ərazilərdə mülki insanlara humanitar yardım və xidmətin göstərilməsi üçün təhlükəsiz və maneəsiz şərait yaratmağa çağırıb.
Baş katib Dağlıq Qarabağ münaqişəsinin sülh yolu ilə həlli istiqamətində konkret addımların atılması üçün hər iki ölkənin götürdüyü öhdəliklərə əməl etməsini və ATƏT-in Minsk Qrupunun həmdsədrləri ilə birgə çalışmasını gözləyir.
Stefan Dyujarrik, Baş katibin sözçüsü
Nyu York, 25 Oktyabr 2020
Bu təşəbbüsdə iştirak edən BMT qurumları
Bu təşəbbüs vasitəsilə dəstəklədiyimiz məqsədlər
