BMT-nin dəstəyi ilə istifadə olunmuş neft çəlləkləri artıq dayanıqlı inkişaf məqsədlərini təşviq edir

BMT-nin Azərbaycandakı nümayəndəliyi Dayanıqlı İnkişaf Məqsədlərini vizual sənət vasitəsilə tanıtmaq üçün yeni layihə həyata keçirib.

Layihə yerli qeyri-hökumət təşkilatı olan Arts Council ilə birgə icra olunub. Layihə çərçivəsində 17 yerli rəssam istifadə olunan neft çəlləklərində hər bir DİM-i təsvir edib. Həmişəyaşıl kolların əkildiyi çəlləklər BMT ofisinin həyətində yerləşdirilib.

Layihəni BMT-nin Azərbaycandakı Rezident Əlaqələndiricisinin Ofisi və BMT İnkişaf Proqramının ölkə ofisi maliyyələşdirib.

Rəsm işlərinə başlamazdan öncə sənətçilər DİM-lərlə bağlı BMT əməkdaşlarının təlimlərində iştirak ediblər.

Qeyd edək ki, Azərbaycan da daxil olmaqla BMT-nin 193 üzv dövləti 2015-ci ildə hər kəs üçün daha yaxşı gələcək naminə dayanıqlı inkişafla bağlı 2030-cu il Gündəliyini qəbul edib. Bu məqsədlərin həyata keçirilməsində BMT-nin Azərbaycandakı nümayəndəliyi Azərbaycan hökuməti və digər tərəfdaşlarla sıx əməkdaşlıq edir və dayanıqlı inkişaf məqsədlərini ölkənin xeyri naminə təbliğ etmək üçün innovativ metodlardan yararlanmağa çalışır.

Müəllif
Author
Rəşad Hüseynov
İnformasiya mərkəzinin rəhbəri
UNIC
Rashad Huseynov
Bu təşəbbüsdə iştirak edən BMT qurumları
BMT İHAK
BMT-nin İnsan Hüquqları üzrə Ali Komissarlığı
BMTİP
BMT-nin İnkişaf Proqramı
UNFPA
BMT-nin Əhali Fondu
BMTQAK
BMT-nin Qaçqınlar üzrə Ali Komissarlığı
UNICEF
BMT-nin Uşaq Fondu
ÜST
Ümumdünya Səhiyyə Təşkilatı