BMT-nin Rezident Əlaqələndiricisi, Vladanka Andreevanın BMT günü tədbirində çıxışı

Xarici işlər nazirinin müavini, cənab Elnur Məmmədov

Hörmətli nazirlər, nazir müavinləri və yüksək vəzifəli hökumət nümayəndələri 

Hörmətli səfirlər və diplomatik korpus üzvləri

Vətəndaş cəmiyyəti və digər milli və beynəlxalq tərəfdaşlar

Media təmsilçiləri

BMT agentliklərinin rəhbərləri və BMT ailəsinin üzvləri

Xanımlar və cənablar:

Builki Birləşmiş Millətlər Təşkilatı Gününü sizinlə qeyd etməkdən böyük məmnunluq duyuram. Bu gün,BMT Nizamnaməsinin 1945-ci ildə qüvvəyə minməsinin ildönümünü qeyd edilir. BMT-nin təsis sənədi kimi BMT Nizamnaməsinin dəyər və prinsipləri 77 ildir ki, fəaliyyətimizi istiqamətləndirir.

Bu BMT Günü xüsusi əhəmiyyət kəsb edir. Çünki,2022-ci ildə Azərbaycanın Birləşmiş Millətlər Təşkilatına üzv olmasının 30-cu ildönümü qeyd olunur. Otuz il ərzində BMT ilə Azərbaycan hökuməti və xalqı arasında münasibətlər yardıma əsaslanan əməkdaşlıqdan tərəfdaşlığa əsaslanan əməkdaşlığa keçib. Bu gün bu zalda siz son üç onillikdə tərəfdaşlığımız və əməkdaşlığımızdan bəhs edən seçilmiş 30 fotoşəkili görəcəksiniz.

Xanımlar və cənablar:

30-cu ildönümümüzlə üst-üstə düşən 2022-ci il fəaliyyətlər baxımından çox zəngin olub.

Hökumətin münaqişədən sonrakı bərpa və yenidənqurma üzrə iddialı səylərinə dəstək olaraq, BMT-nin Azərbaycandakı nümayəndəliyi inkişaf tərəfdaşları ilə birlikdə minalardan təmizləmə, bacarıqların inkişafı və məcburi köçkünlərə (qadınlar daxil olmaqla) dolanışıq dəstəyi, səhiyyə, təhsil və digər sosial xidmətlər, hüquqi yardım, ətraf mühitin bərpası və enerji səmərəliliyi sahələrində vacib dəstəyi təmin edir.

Martın 18-də Şuşada hökumət və BMT arasında münaqişədən və pandemiyadan sonrakı bərpaya dair birgə iclas keçirildi. Orada BMT və onun tərəfdaşlarının humanitar işlər, bərpa, sülh quruculuğu və Azərbaycanda dayanıqlı inkişafa dəstəklə bağlı səmərəli dialoqumuz oldu. 

Martın 31-dən aprelin 1-dək Bakıda ANAMA və BMT-nin birgə təşkilatçılığı ilə “Humanitar minatəmizləmə və DİM-lər” mövzusunda beynəlxalq konfrans keçirildi. Otuz yeddi ölkədən 130-dan çox iştirakçı, o cümlədən minatəmizləmə sektorunun mütəxəssisləritəcrübə mübadiləsi aparıblar və Azərbaycanda minalarla mübarizəyə dəstək üçün strateji tövsiyələr təklif ediblər.

Bu yaxınlarda isə BMT-nin dəstəyi ilə Dövlət Şəhərsalma və Arxitektura Komitəsinin (DŞBKİ) təşkilatçılığı ilə oktyabrın 5-6-da Ağdamda və ADA Universitetində birinci Azərbaycan Milli ŞəhərsalmaForumu keçirildi. Maraqlı tərəflərin qatıldığı konfransda heç kimi kənarda qoymayan inklüziv və insan mərkəzli şəhərsalma daxil olmaqla bir çox təcrübələr və qabaqcıl praktikalar müzakirə olunub.

BMT Avropa İttifaqı və Dünya Bankı ilə birlikdə münaqişədən zərər çəkmiş ərazilərdə Hökumətin apardığı insan mərkəzli çoxsektorlu bərpaya dəstəyin daha da genişləndirilməsi variantlarını araşdırır. Qarşıdakı aylarda Bərpa Ehtiyaclarının Birgə Qiymətləndirilməsi üzrə Hökumətlə yaxından işləməyi səbirsizliklə gözləyirik.

Bundan əlavə, 2030-cu il Gündəliyi və Dayanıqlı İnkişaf Məqsədlərinin (DİM-lərin) icrası üzrə Azərbaycan və BMT arasında 2021-2025-ci illər üzrə Dayanıqlı İnkişaf üzrə Əməkdaşlıq Çərçivə sənədində öz əksini tapıb.

Tərəfdaşlığın dörd strateji prioritet sahəsi bunlardır: həssaslığı azaldan və dayanıqlılığı artıran inklüziv inkişafın təşviqi; daha yaxşı ictimai və sosial xidmətlər üçün daha güclü institutlar; ətraf mühitin qorunması və iqlim dəyişikliyinə qarşı mübarizə; və həyatın bütün sahələrində qadınların və qızların səlahiyyətlərinin artırılması.

Biz gender bərabərliyi, eləcə də insanlara yönəldilmişvə onların sosial və iqtisadi səlahiyyətlərininartırılmasına sərmayə qoymaq üçün birgə səylərimizlə xüsusilə fəxr edirik.

Xanımlar və cənablar:

BMT sisteminə çox vaxt BMT Ailəsi deyilir. Azərbaycandakı BMT isə, həqiqətən də, bir ailədir.

21-ci əsrin bir çox ailələri kimi, biz də müxtəliflik və coğrafi cəhətdən bütün dünyaya yayılmışıq. Azərbaycanda fiziki olaraq Bakıda 12 ailə üzvü var:FAO, BƏT, BMqT, İHAK, BMTİP, UNDSS, UNFPA, BMTQAK, UNIC, UNICEF, UNOPS və ÜST.

Fiziki cəhətdən başqa ölkələrədə yerləşən, lakin Azərbaycanda proqramları olan əlavə 9 üzvümüz var:UNDRR, UNECE, UNEP, YUNESKO, UN-Habitat, UNIDO, UNODC, UNV və BMT Qadınlar.

Mən BMT Ailəsinin – BMT-nin 261 əməkdaşının qəlbini və ruhunu qeyd etmək istərdim. Onların bəziləri bu gün burada, bu otaqdadır. Bəziləri BMT Azərbaycanda yarandığı ilk vaxtdan BMT-yə xidmət edir.

Kim və harada olmağımızdan asılı olmayaraq, Azərbaycanda BMT Ailəsini birləşdirən BMT Nizamnaməsinin dəyər və prinsipləri və ən sadə sözlə desək, bizim istək və təcrübəmizdən istifadə edərək Azərbaycan xalqı üçün əlimizdən gələni etmək öhdəliyimizdir.

Xanımlar və cənablar:

2030-cu il Gündəliyi, DİM-lər və heç kəsi kənardaqoymamaqla bağlı kollektiv vədimizə yalnız Hökumət, vətəndaş cəmiyyəti, inkişaf tərəfdaşları, özəl sektor, akademik dairələr, media və digərləri arasında güclü tərəfdaşlıq vasitəsilə nail ola bilərik.

Fürsətdən istifadə edərək, BMT-nin Azərbaycandakı bütün tərəfdaşlarına və dostlarına - çoxunuz bu gün buradasınız - qadınlar və qızların, əlilliyi olan şəxslərin, məcburi köçkünlərin, miqrantların, qaçqınların, azlıqların və digər həssas qrupların həyatında dəyişiklik etmək üçün sıx əməkdaşlığa görə təşəkkür etmək istərdim.

Nəhayət, BMT-Azərbaycan tərəfdaşlığının gələcəyinə ümidlə baxaraq, qeydlərimi BMT-nin Baş katibi Antonio Quterreşin sözləri ilə yekunlaşdırmaq istərdim:

”BMT Gününü qeyd edərkən, gəlin qlobal həmrəylik şəklində bir nəfər kimi çalışdığımız zaman bəşəriyyətin nəyə nail ola biləcəyinə ümid və inamımızı yeniləyək.“

Təşəkkür edirəm.