Press reliz

FAO - nun “AquaCrop” Proqram təminatı üzrə üç günlük təlim keçirilir

13 sentyabr 2022

  • “Kənd təsərrüfatının davamlı inkişafı naminə aqrar sahədə su ehtiyatlarının idarə edilməsinin təkmilləşdirilməsi” layihəsi çərçivəsində BMT-nin Ərzaq və Kənd Təsərrüfatı Təşkilatı (FAO) tərəfindən işlənib hazırlanan AquaCrop” Proqram təminatı üzrə 3 günlük təlim keçirilir.

Təlimdə Kənd Təsərrüfatı Nazirliyi, Ekologiya və Təbii Sərvətlər Nazirliyi və Meliorasiya və Su Təsərrüfatı ASC-nin nümayəndələri iştirak edir.

 

AquaCrop bitki və torpaq arasındakı qarşılıqlı əlaqəni təsvir edən məhsul simulyasiya modelidir. Tarlaların (məsələn, torpağın münbitliyi) və suvarma sistemlərinin idarə edilməsi bu proqramın əsas mövzularından biridir. BMT-nin Ərzaq və Kənd Təsərrüfatı Təşkilatı (FAO) tərəfindən hazırlanan bu proqram, qida təhlükəsizliyini təmin etmək, ətraf mühit və su sistemlərinin idarəetməsinin məhsul istehsalına təsirini qiymətləndirmək məqsədilə tərtib edilib. Model hazırlanarkən, sadəlik, dəqiqlik və etibarlılıq arasında optimal tarazlığa nail olmağa önəm verilib.

Beynəlxalq və yerli mütəxəssislərin iştirak etdiyi təlimdə sahələrdə suvarma üsullarına dair ətraflı məlumatlar verilir və mövzular üzrə müxtəlif simulyasiyalar həyata keçirilir. Üç günlük təlim beynəlxalq mütəxəssislər, Belçikanın Liege Universitetinin dosenti Joost Wellens və Su İdarəçiliyi üzrə mütəxəssis, Dirk Raesin tərəfindən aparılır.

Layihə Azərbaycan Respublikası Kənd Təsərrüfatı Nazirliyinin dəstəyi və BMT-nin Ərzaq və Kənd Təsərrüfatı Təşkilatının təşkilatçılığı ilə həyata keçirilir.

Abdul Mustafazade

Əbdül Mustafazadə

FAO
Sosial media, əlaqələndirmə və media ilə münasibətlər üzrə mütəxəssis

Bu təşəbbüsdə iştirak edən BMT qurumları

FAO
BMT-nin Ərzaq və Kənd Təsərrüfatı Təşkilatı

Bu təşəbbüs vasitəsilə dəstəklədiyimiz məqsədlər