Press reliz

“Baytarlıq diaqnostikası, xəstəliklər üzərində müşahidə aparılması üçün milli potensialın artırılması layihəsinin yekun seminarı baş tutub

27 декабр 2021

  • Layihənin məqsədi baytarlıq diaqnostikası da daxil olmaqla xəstəliklər üzərində müşahidə aparılması üçün milli potensialın artırılması və bu cür xəstəliklərin potensial yayılma hallarına qarşı plan və tədbirlərin görülməsidir.

Yekun seminarda BMT-nin Ərzaq və Kənd Təsərrüfatı Təşkilatının rəhbəri Mələk Çakmak, Azərbaycan Respublikasının Qida Təhlükəsizliyi Agentliyinin Sədrinin müavini Balarəhim Quliyev, baytarlıq və heyvandarlıq sahəsi üzrə ixtisaslaşan yerli və beynəlxalq eksperlər iştirak edib. Seminarda layihənin nəticələri və nailiyyətləri təqdim edilib və bu nəticələr əsasında növbəti fəaliyyət istiqamətləri müzakirə olunub. Daha sonra layihə çərçivəsində  mikrob əleyhinə vasitələrə qarşı yaranan davamlılıq üzrə milli qanunvericiliyin təhlilini özündə ehtiva edən milli hüquqi hesabat təqdim olunub.

BMT-nin Ərzaq və Kənd Təsərrüfatı Təşkilatının layihədə əsas məqsədlərindən biri laboratoriya və nəzarət potensialının qiymətləndirilməsi, qurumları bu imkanların təkmilləşdirilməsinə istiqamət verərək birbaşa heyvan sağlamlığına təsir etməsidir.

Layihə əsasən Qax, Bərdə, Göygöl, Sabirabad və Quba rayonlarında fəaliyyət göstərmiş və qeyd olunan rayonlarda heyvan xəstəliklərinin diaqnostikası üçün yaradılmış Milli Sorğu Mərkəzlərinin və altı Regional Sınaq Laboratoriyasının diaqnostik potensialının arıtılmasına yönəlmişdir. 

Görüşdə qeyd olunan fikirlərə əsasən heyvanların sağlamlığının yaxşılaşdırılması xəstəliklərin xüsusilə də, transsərhəd xəstəliklərin erkən aşkarlanmasını və qurumların sürətli reaksiyası ilə bağlı imkanlarının genişləndirilməsi iştirakçılar tərəfindən vurğulanb. Seminar daha sonra layihənin ümumilikdə fəaliyyətlərinin icrasında birbaşa iştirak edən tərəflərin təqdimatları ilə davam edilib.

Layihə BMT-nin Ərzaq və Kənd Təsərrüfatı Təşkilatının (FAO) maliyyə dəstəyi və Qida Təhlükəsizliyi Agentliyinin təşkilati dəstəyi ilə Texniki Əməkdaşlıq Proqramı çərçivəsində həyata keçirilir.

“Baytarlıq diaqnostikası, xəstəliklər üzərində müşahidə aparılması üçün milli potensialın artırılması layihəsinin yekun seminarı baş tutub

Abdul Mustafazade

Əbdül Mustafazadə

FAO
Sosial media, əlaqələndirmə və media ilə münasibətlər üzrə mütəxəssis

Bu təşəbbüsdə iştirak edən BMT qurumları

FAO
BMT-nin Ərzaq və Kənd Təsərrüfatı Təşkilatı

Bu təşəbbüs vasitəsilə dəstəklədiyimiz məqsədlər