İqtisadi, sosial və mədəni hüquqlar üzrə Komitənin qənaətbəxş mənzil təminatı hüququ haqqında 4 və 7 nömrəli Ümumi Şərhləri

BMT-nin İqtisadi, sosial və mədəni hüquqlar üzrə Komitəsinin 4 və 7 nömrəli Ümumi Şərhləri İqtisadi, sosial və mədəni hüquqlar haqqında Beynəlxalq Paktın qənaətbəxş mənzil təminatı hüququna dair 11.1 saylı maddəsini və məcburi köçürülmələr kontekstində onun təfsilatlı şərhini təqdim edir. Birləşmiş Millətlər Təşkilatının insan hüquqlarına dair Müqavilə Qurumları müvafiq insan hüquqları müqavilələrində nəzərdə tutulan maddə və müddəaların şərhini “ümumi şərhlər” və ya “ümumi tövsiyələr” formasında hazırlayırlar. Bu sənədlər Birləşmiş Millətlər Təşkilatının insan hüquqları müqavilələrində təsbit edilən müxtəlif insan hüquqları, prinsiplər və əsas müddəaların müfəssəl şərhini verir, eləcə də onların icrasına dair öhdəlikləri və atılmalı olan addımları izah edir. Bundan əlavə, Ümumi Şərhlər insan hüquqları müqavilələrinin maddələri baxımından milli hesabatların hazırlanmasına dair ümumi təlimatla təmin edir.

Bu vəsait Birləşmiş Millətlər Təşkilatının İnsan Hüquqları üzrə Ali Komissarlığı tərəfindən Avropa İttifaqının maliyyə dəstəyi ilə həyata keçirilən “Azərbaycanda həssas qrupların hüquqlarının müdafiəsi” layihəsi çərçivəsində tərcümə edilərək dərc olunmuşdur.