BMT Baş Assambleyasının prezidenti Azərbaycana səfərini başa vurub

Aprelin 9-da Azərbaycan Respublikasının Prezidenti Zati Aliləri İlham Əliyev Baş Assambleyanın Prezidentini cənab Bozkırı qəbul edib. Tərəflər arasında peyvəndlər və pandemiyanın təsirlərinə qarşı mübarizə səyləri də daxil olmaqla, COVID-19-la əlaqədar vəziyyət müzakirə olunub, regionda gedən proseslərə və Baş Assambleyanın fəaliyyətinə dair fikir mübadiləsi aparılıb. Bundan əlavə, çoxtərəfli münasibətlərin qlobal problemlərin həllinə verə biləcəyi töhfə də müzakirə olunub.

Cənab Bozkır, Azərbaycanın Qoşulmama Hərəkatına (QH) sədrliyinin və Baş Assambleyanın dekabr ayında COVID-19-a həsr olunmuş iclasının keçirilməsinə dair təşəbbüsünün əhəmiyyətini də xüsusi ilə qeyd edib.

Bakıya səfəri çərçivəsində Prezident, həmçinin Azərbaycan Respublikası Xarici İşlər naziri Ceyhun Bayramovla da görüşüb. Müzakirə mövzuları sırasında regionda baş verən proseslər, habelə çoxtərəfli münasibətlərin və diplomatiyanın mühüm dəyəri müzakirə olunub. Tərəflər həmçinin COVID-19 pandemiyasının təsirlərindən və Prezidentin Baş Assambleyanın tarixi 75-ci iclası üçün prioritetlərinə dair fikir mübadiləsi aparıblar.

Bakıda olduğu müddətdə Prezident, Azərbaycan Respublikası Milli Məclisinin sədri Sahibə Qafarova ilə görüşüb. Görüşdə parlament üzvlərinin COVID-19-a qarşı mübarizədə, peyvəndlərin ədalətli və bərabər paylanmasında və dayanıqlı inkişaf və gender bərabərliyi kimi mövzuların inkişafında oynaya biləcəkləri roldan bəhs olunub.

Bundan əlavə, Baş Assambleyanın Prezidenti, Fəxri Xiyabanda və Şəhidlər Xiyabanında əklil qoyma mərasimlərinə də iştirak edib.

Ölkəyə etdiyi səfəri başa vurmaqdar əvvəl cənab Bozkır, BMT-nin Rezident Əlaqələndiricisi Qulam M. İsaqzai rəhbərlik etdiyi Birləşmiş Millətlər Təşkilatının ölkə heyəti ilə görüş keçirib.

---

KIV müraciətləri üçün Baş Assambleyanın kommunikasiyalar üzrə direktoru və sözcüsü Brenden Varma ilə əlaqə yaratmağınız xahiş olunur: + 1-212-963-7238, + 1-929-319-9365, varmab@un.org.